Powari Utkarsh

 नवो ग्रंथ आये,भाषा ला वैभव देवाये -----------------------------------------------          "पोवारी भाषा संवर्धन: मौलिक सिद्धांत व व्यवहार "येव ग्रंथ आगामी काही दिवस मा नचिकेत प्रकाशन नागपुर को माध्यम लक प्रकाशित होय रही से. पृष्ठ संख्या 210 को येन् ग्रंथ मा जिन विचारों व कविताओं को माध्यम लक 2018 मा पोवार समाज मा भाषिक प्रेम, अस्मिता व स्वाभिमान की आंधी आनके भाषिक क्रांति को सपना साकार भयेव वोन् सब कविता, गीत व विचारों को समावेश से.         येन् ग्रंथ को प्रकाशन लक पोवारी भाषा की गुणवत्ता, वैभव व परिणामकारकता जगजाहिर होये.अत: येन् ग्रंथ को प्रकाशन या  पोवार समाज साती एक गौरव को विषय से. 2018 मा पोवारी भाषिक क्रांति  साकार होनो कसो संभव भयेव, येको इतिहास येन् ग्रंथ मा समाविष्ट से.पोवारी भाषा की बुनियादी व्याकरण को साथोसाथ पोवारी भाषा संवर्धन को मौलिक सिद्धांतों को समावेश भी येको मा से. अत: येन् ग्रंथ की ‌विषयवस्तु लक पोवारी भाषा ला सम्मुनत करन को प्रयत्नों ला  नवी दिशा दृष्टि प्राप्त होये अना पोवारी बोली को स्तर उन्नत करके वोला भाषा को दर्जा प्राप्त करावन को मार्ग भी प्रशस्त

 ========================== बिह्या को कार्यक्रम भयेव पोवारीमय! ========================== आमला सौभाग्य प्राप्त भयेव की दि ११-०५-२०२२ रोज बुधवारला , अखिल भारतीय क्षत्रिय पोवार/पंवार माहासंघ भारत का कोषाध्यक्ष परमश्रद्धेय श्री नरेशजी गौतम इनको लाहान भाई श्री संदिपकुमार संग दिपालीबाई (बाली ) इनको बिह्यामा आमला उपस्थित रवन को सौभाग्य प्राप्त भयेव , येन् मंगलकार्य मा उपस्थित परमश्रद्धेय श्री ऋषीजी बिसेन , श्री रोशनजी राहागंडाले , श्री योगराजजी गौतम , श्री हरगोविंदजी टेभंरे , श्री हिरदीलालजी ठाकरे , श्री रमेशजी चौधरी गुरुजी , श्री भुमेश्वजी ठाकरे अना अखिल भारतीय क्षत्रिय पोवार/पंवार माहासंघ तसोच पोवार समाज एकता मंच पुर्व नागपुर का समस्त पदाधिकारी व सदस्य उपस्थित होता ,येन् कार्यक्रममा साक्षात कुलदेवी मातामाया गढ़कालिका अना विद्या की देवी माय सरस्वती अना क्षत्तीस कोटि देबी देवता सुक्ष्म रुप लक उपस्थित होता अना उनको भव्य दिव्य संरक्षण येव मंगलकार्य पार पाडेव ,  सबसे पहले पोवारो की कुलदेवी मातामाय गढ़कालिका अना पोवारो का कुलदैवत कुलश्रेष्ठ चक्रवर्ती सम्राट राजा भोज को जयकारा लक पुरो वधु मंड़प ग

 श्रीमती मंगला हिरदीलालजी ठाकरे इनको जन्मदिन पर कोटि कोटि शुभकामनाएं =====================        ( बायको ला महत्त्व )     ================ सोड मायबाप। पती संग आयी।।  कायमकी भयी ।अर्धांगीनी,,,,,।।  बायको म्हण्जे। नातो को भंडार।।  सुख को संसार। चलावसे ,,,,,,,,,।। मायबाप तोरा। पुज्यनिय सेती।।  देव रुप आती । सर्वश्रेष्ठ ,,,,,,,,,,।।  भाई ना बहिण। जन्मजात आती ।।  सुख का संगाती। सब सेती,,,,,,,।। गलती  पर  वां। देसे  शिकवणं।।  तब वां बहिण। बनजासे,,,,,,,,,।।  बिमारी मा सेव। करसे बायको।।  फर्ज वां मायको। निभावसे,,,,,।।  बाँप बनकर। घर संभालसे ।। काळजी करसे। सब साती,,,।।  भव सागर मा। डुबजासे कस्ती।।  रिस्तो येव दोस्ती। बनजासे,,,,,।। अंतीम वां घडी। बायको ला चिंता ।।  बाकी नाता रिस्ता।परपंचका,,,,,,।। कसे गां हिरदी। सब गां आयको।।  रिस्तो मा बायको। निस्वार्थ ,,,,।।  सुकर्म की पुंजी। देसे गां साहारा।।  याच विचारधारा।  रहे सदा,,,,,,।।     सब अधिकार सुरक्षित             !!! कवी!!!  श्री हिरदीलाल नेतरामजी ठाकरे

 माय की माऊली ************************ माया की माऊली मोरो घर की सावली, मोरी लाड़ली बेटी कब मोठी भय गयी मोला खबर नही।।१।। अजी की दुलारी भाऊ की सयानी दादा माय को डोरा को काजर, बेटी कब मोठी भय गयी मोला खबर नही।।२।। परायो घर जान की बेरा आई, बेटी से परायो धन या बात समझ आई, बेटी कब मोठी भयी  मोला खबर नही।।३।। मोरो जीव को टुकडा़ करेजा की कली ,मोरो घर आंगन मा छम छम खेली, दुध रोटी  भात की डोरा मिचौनी, बेटी कब मोठी भयी  मोला खबर नही।।४।। अजी को हाथ थामत चल ठुमुक ठुमक खेलत कुदत जाने कब मोठी भयी, बेटी कब मोठी भयी मोला खबर नही।।५।। जीव घबराव मोरो ,बोह डोरा लक पानी, कसो मिले राजकुवर बेटी ला रात दिवस फिकर मन मा लगी बेटी कब मोठी भयी मोला खबर नही।।६।। नहाय  मोरो जवर धन,  अना दौलत, बेटी से मोरी हीरा वानी, कन्या को दान से सबले मोठो कवसेत गुणी, ज्ञानी, बेटी कब मोठी भयी मोला खबर नही।।७।। माय की माऊली मोरो घर की सावली बेटी कब मोठी भयी मोला खबर नही।। ************** विद्या बिसेन बालाघाट🚩🙏🚩

 परिवार एक आधार  *************************** जीवन को राहपर से मोला आस या आधार की। बढी़या रहे घरदार साथ मिले परिवार की।। प्यार ममता को सुगंध रवतो मोरो जीवन मा। सुख समृद्धि मिलती वा मोरो येन परिवार मा।। परिवार मा रहे सुख मोला आस या आधार की। हर्ष उल्लास लका बिते हर घड़ी वा जीवन की।। परिवार को जेला मिले हमेशाच सही आधार। कठिनाई मा भी सक्षम होये वू भव सिंधु पार।। सही आधार परिवार जीवन को हर घड़ीमा। धीर देसे परिवारच मन सारखोच होनोमा।। ≠==================≠ ✒️ उमेंद्र युवराज बिसेन (प्रेरीत)  रामाटोला गोंदिया (श्रीक्षेत्र देहू पुणे) ९६७३९६५३११

@ बगड़ा @ ********************* से मुखमा राम,बगलमा छुरी। कपटी बगड़ा,कर गयो चोरी।। टेक।। ढोंग रचसे महात्मा बनकर उभो रव्हसे एकच पायपर। कसो मसरीला धोका देयकर चोचमा खासे मस्त धरकर। समजमा आयीत करो हुशारी।।१।। ढोंगी बगड़ा समाज मा भारी  अनोखीसे इनकी दुनियादारी।  स्वार्थ पणा इनको खान की भारी मानुस की मा यव कलंक भारी। संघटकलक दुर करो बिमारी।।२।। अच्छो काम मा सबकी भलाई से किर्ति नाव की अमर होय जासे ।                           बुरो काम मा बुरी दुर्गती होसे                          कलंक बदनामी को लग जासे।   ज्ञानकीद्रुष्टीआनो,समजदारी।।३।। ********************************** हेमंत पटले धामनगांव आमगाव ९२७२११६५०१

खमोरा आमरो समाज मा स्त्री धन यानी खमोरा कि प्रथा होती । अज भी बहु को माय घरकी वस्तु या धन को उपयोग करके सुसरो, जेठ, देवर या अन्य रिश्तेदार आपलो जीवनयापन नही करत ।  या भारतीय संस्कृति आय , आमरी परम्परा आय जो प्राचीन से । हर समाज असो नाहाय । आमी प्राचीन भारत की सभ्यता , विचार प्रणाली पर अज बी चलसेजन ।  मनुस्मृति को तिसरो अध्याय को 52 वो श्लोक कसे --  स्त्रीधनानि तु ये मोहादुपहजीवन्ति बान्धवाः ।  नारी यानानि वस्त्रं वा ते पापा यान्त्यधोगितम ।।५२।।  अर्थात  जो वर का बांधव ( सुसरो , देवर आदि रिश्तेदार) , लोभ मा वशीभूत होयके स्त्रीधन यानी खमुरा, बहु को माय घर को वाहन, वस्त्र आदि को उपयोग करके आपलो जीवनयापन करसेत उनकी अधोगति होसे । उनला पापी नीच कह्यव जाहे ।

 अज को चिंतन जिनन गलत उदाहरण स्थापित करिन , जिनन मर्यादा को पालन नही करीन , उनला कोनतो बी प्रकारलका महत्व देनो यानी गलत बातला महत्व देनो आय । अच्छी बात को आदर्श सामने आहै त् नवी पीढ़ी अच्छी बात को प्रति आकर्षित होये । गलत करने वाला अगर आदर्श बन्या त् नवी पीढ़ी बी गलत को प्रति आकर्षित होये । आमला सामाजिक पतन की तरफ नही बल्कि सांस्कृतिक मजबूती , उत्कृष्टता को तरफ जानो से । 🙂🚩🚩🚩🚩 इतिहास आमला बहुत काइ सिखाय कर जासे ।  भारत गुलाम काहे बन्यव । काहे की भारतीय आपली सोच अना विचारधारा मा  एक नोहोता  । जब बी भारत मा आततायी आक्रांता आया तब लोग तितरबितर भय गया । काइ सत्ता प्राप्तिलाइक आपस मा भीड़ गया, त् काइ  आक्रांताओं को पक्ष मा पहुच गया । काइ स्वार्थ मा आततायी लोगइनका साथी बनके आपलो च लोगइनका दुश्मन बन गया । यव पहलेलका चल रही से। आपलो च लोगइनको विरोध करके दुश्मन को काम हलकों करनो पहले लका चल रही से । जब देश का , धर्म का दुश्मन को प्रतिकार करनो से त् आपस मा लड़ाई नही होना । सब एक होना । सत्ता को संघर्ष मा खींचातानी ठीक नाहाय । या खींचातानी दुश्मन पक्ष ला मजबूती देसे । जो गलती पहले भयी से वर्तमान

बुराई कसी फैल से पहले गाव मा कोणी बी एक दुसरो को झाड़ को आंबा नही तोड़त होता । सब ईमानदारी लका रव्हत । आम्बा को झाड़ वालो खुद आम्बा उतारकर घर आनके मंग सबला मोहल्ला मा बाटत होतो । पाड को आम्बा पड़त लक आम्बा झाड़ परा रव्हत होतो ।  एकदूसरो को प्रति बड़ी सदभावना होती । चोरी चकाटी नोहोती ।  बीस साल पहले की बात रहे । गाव मा को एक दुर्जन नावको आदमीकी मति फिर गयी । मति फिरन को कारण होतो गलत संगत । वोन बाजू को गाव को दूसरों कोनिको आम्बा को फर रातोरात उतारकर दूय गाड़ा भरके आनिस ।  मंग झुंझुरका उठके शहर मा जायके बिक टाकीस । आजूबाजू वालो कुटुम ला या बात समझ आय गयी। दुर्जन न बिचार करीस की अगर वोकि करतूत लका मिल्यव पैसा वु चुपचाप खाय लेये त् गड़बड़ होये । लोग सोडन का नही । मीटिंग भरे । दण्ड होये । वोन दुसरो च दिवस गाव को समाज संघठना ला वोकि आम्बा लका मिली कमाई को 20% हिस्सा दान देइस । संघठन बड़ो खुश भयव ।  मंग कोणी न वोला टोकन की हिम्मत नही करिन । दुर्जन की हिम्मत बढ़ी । वोन अखिन आपलो कार्य सुरु ठेय के बहुत पैसा जमाय लेइस । पैसा देखके वोला दिवारी को मंडई को कार्यक्रमको अध्यक्ष बनाय देइन । गाव को टुरु पोटुइनला

 प्रेरणादायक कहानि एक रेस्टोरेंट मा कई बार मीन देखेव कि, एक व्यक्ति आवसे अना भीड़ देख कर चुपका लका नाश्ता करके बिना बिल देयकन चुपका ल निकल जासे. एक दिन जब वू खाय रहेव होतो त मीन चुपका लका रेस्टोरेंट मालिकला सूचित करेव कि अमुक आदमी बिना बिल चुकायेव चुपका ल निकल जाये. मोरी बात आयकश्यानी रेस्टोरेंट को मालिक मुस्कराय कन कसे,  वोला बिना काही कहेव जान देव, आम्ही एको बारेमा बाद मा बात करबिन. हमेशा को तरीका लका नाश्ता करिस अना भीड़ को फायदा ल बिना बिल चुकायेव निकल गयेव. वोको जान को बाद मीन रेस्टोरेंट को मालिक ला पूछेव कि मोला सांगो तुम्ही वोन व्यक्ति ला जान काहे देयात?🤔 रेस्टोरेंट को मालिक द्वारा देयेव गयेव जवाब होतो कि, तुम्ही एकटा नाहाव कि वोला देख्यात अना मोला सांग्यात. वू रेस्टोरेंट को सामने बस से अना जब देख से कि भीड़ से, त चुपका ल खाना खाय लेसे. मीन हमेशा नजरअंदाज करेव अना वोला कभी रोकेव नहीं, वोला कभी पकडेव नहीं, ना ही कभी वोको अपमान करन कि कोसिस करेव..काहेकि मोला असो लगसे कि मोरो दुकान कि भीड़ वोन भाई कि प्राथना को कारण लका से. वू मोरो रेस्टोरेंट को सामने बस स्यानी प्रार्थना करसे कि जल्द

 साहित्य प्रकार- त्रिपदीराना काव्य  मार्ग सत्यको  *********************************** सत्यको मार्गच सही रव्हसे आवसेत अडथडा मार्गलक चलता समाधान मार्गमाच दिससे. मार्ग सत्यको हिरदामा धरो ध्येय धोरण सत्यलाई बनावता जयघोष सत्यकोच करो. सत्कर्म मनला आनंद देसेत प्रफुल्लित करन मनच सहसा दुःख मनको हरसेत. दिशा जीवनला सही मिले उद्धार मनुष्य जीवनको होता खुशी जीवनमा खिले. ==================== उमेंद्र युवराज बिसेन (प्रेरीत) गोंदिया (श्रीक्षेत्र देहू) ९६७३९६५३११

 आध्यात्मिक चिंतन  सांख्य-दर्शन सविस्तार                अना  प्रकृति(जड़)- पुरुष(चेतन) भेद दर्शन  सांख्य-दर्शन का प्रणेता महर्षि कपिल मान्या जासेती. येव सबसे पुरानो दर्शन मानेव जासे. 'सिद्धानां कपिलो मुनि:' अर्थात मी सिद्ध मा कपिल मुनि आव येव कथन श्री कृष्ण न भगवद्गीता मा कही सेत. कपिल मुनि ला बुद्ध पासून एक शताब्दी पूर्व मानेव जासे. सांख्य-दर्शन को मूल आधार ईश्वरकृष्ण द्वारा लिखित  'सांख्यकारिका' से. सांख्य को अर्थ से 'सम्यक् ज्ञान' अर्थात पुरुष अना प्रकृति को बीच भिन्नता को ज्ञान. येव ज्ञान न होनोच बंधन को कारण आय. सांख्य को सारो दर्शन कार्य-कारण सिधाँत पर आधारित से. कार्य उत्पत्ति को पूर्व उपादान कारण मा अव्यक्त रुप ल मौजूद रहव से. अपरिवर्तनशील ब्रह्म को रूपान्तर परिवर्तनशील विश्व को रुप मा माननो भ्रांतिमूलक अना महाभ्रम आय. सांख्य-दर्शन प्रत्यक्ष,अनुमान अना शब्द तीन प्रमाण(ज्ञान प्राप्त करन का साधन) मानसे. प्रकृति सक्रिय होनो को बावजूद जड़ से. एकोमा गति अन्तर्भूत से. येलाच त्रिगुणमयी कहेव गयी से. प्रकृति सिर्फ पुरुषलाच बंधन ग्रस्त नहीँ बनाव, बल्कि एको विपरीत पु

 नवो युगकी कहाणी  (त्रिपदीराना काव्य प्रकार) नवो युगकी कहाणी लिखबी परिवर्तन नवो युगलायी होये बदल युगसाठीच स्विकारबी. युग बदलतो हमेशा रव्हसे असो नवो बदलाव देखनला खूदमा बदलच करसे. नवो लक्ष्यकी गुंज पसरसे आपलो जीवनको लक्ष्यलायी हरकोणी मेहनत लक्ष्यवेधी करसे. जीवन वास्तवमा व्यथित करबीन नवो युगमा वास्तवला स्विकारकन राह वास्तवकी धरबीन. ==================== उमेंद्र युवराज बिसेन (प्रेरीत) गोंदिया (श्रीक्षेत्र देहू) ९६७३९६५३११

 आध्यात्मिक चिंतन सारो त्रिगुणात्मक जगत निरंतर परिवर्तनशील अना क्षणभंगुर से. शरीर संसारकोच अंश आय. वू त अत्यंत क्षणभंगुर से. शरीर को उपयोग से एकोमा रवतो रवतोमाच सारो जड़ दृश्यों को मोह सर्वथा त्याग देनो. पूर्ण निर्मोह चित्तच स्वरूपस्थ होसे. पूर्ण निर्मोही होनो मा कृतकार्य से अना जीवन की सार्थकता से. शरीर को अनखी कई दिन बने रवनो या मंग अजच मिट जानो मा काही अंतर नहीं पड़. जेन आत्मविश्राम पाय लेईस, वू धन्य से. ✒️30-04-2022 Rishikesh Gautam

 स्वरूप युद्धको.....  (त्रिपदीराना काव्य प्रकार नाविन्यपूर्ण संशोधीत) परिणाम युद्धको गलत रव्हसे जीवित हाणी युद्धलका होता द्वेष युद्धमालच बढसे. युद्ध जनताला त्रस्त करसे हीत पुरो जनताको दूर युद्धलक जनताच मरसे. संबंध दोस्तीका युद्धलका छुटसेती व्यवहार राष्ट्रका दोस्तीमाच चांगला युद्धलक दोस्तीभी तुटसेती. युद्ध तिरस्कारला जन्म देसे आपसको प्यार तिरस्कारमा बदलकन हीरदामा तिरस्कारच भरसे.  युद्ध भावनाको त्याग करबिन राह आपुलकीकी भावनात्मक देख प्यार भावनाला बढावबिन. ==================== उमेंद्र युवराज बिसेन (प्रेरीत) गोंदिया (श्रीक्षेत्र देहू) ९६७३९६५३११

 पोवारी बोलीभाषा मे.... 🌷महाराष्ट्र दिन/कामगार दिन🌷       (अष्टाक्षरी काव्य) एकविस नोव्हेंबर  एकोणीस सौ छप्पन | स्थिती होती तनावकी चौक फ्लोरा फाउंटन ||१|| महाराष्ट्र मा मुंबई  जोडनकी वा कोसीस | राज्य पुनर-रचना आयोगनं नाकारीस ||२|| चिड्या मराठी मानुस  भयी निषेधकी चर्चा | कामगार को चौकमा जमा होसे मोठो मोर्चा ||३|| मोर्चा उधळन साती पुलिसको लाठीचार्ज | तरी दट्या रह्या वंज्या पुरो करशान फर्ज ||४|| मोरारजी देसाईको हुक्म होसे गोलीबार | एक सौ सय शहीद भय गया कामगार ||५|| बलीदान आयो काम एक मई साठ दिन | संग जुळेव मुंबई  यव महाराष्ट्र दिन ||६|| ✍ इंजी. गोवर्धन बिसेन "गोकुल"         गोंदिया (महाराष्ट्र) मो. ९४२२८३२९४१

 सकारात्मक चिंतन तनाव अना अवसाद सारखी मानसिक बीमारि गलत सोचन को कारण पनपसे ... एकोल सदा छुटकारा पावन साती आपली विश्वास प्रणाली ला बदलनो पड़े..... अना येव एक दिन मा नहीं होनको... प्रतिदिन, नित्य केवल अच्छो देखनो... सुननो अना सोचनो पड़े ... तब धीरू धीरू मन सकारात्मक होनो शुरू होऐ अना जीवन सदा साती परिवर्तित होय जाये.. प्रस्तुति :- ✒️ऋषिकेश गौतम (04-may-2022)

 🌷 तीज 🌷 (अष्टाक्षरी काव्यलेखन) भया   रहेती   पुर्वज  येन  गरमीमा  प्यासा | तृप्त   करन   उनला भर   सेजन   करसा ||१|| साढ़े   तिन   मुहूर्तमा एक   मुहूर्त  से  तीज | कामकाज किसानीका सुरु   करसेती    अज ||२|| परशुरामको      जन्म  आय  तीजको  दिवस | महा भारत    लिखनो सुरु  करीतीन   व्यास ||३|| तीजलाच    पृथ्वीपर गंगाजीको   आगमन | त्रेता   युग    सुरुवात  होतो  अजकोच दिन ||४|| येन   दिन  सुदामा न् पोहा  कृष्णला  देईस | बदलामा    अविनाशी धन   दौलत   पायीस ||५|| कृष्ण अक्षयको  पात्र देसे   तीजको  दिवस | शांतीलका    पांडवन् गुजारीन      बनवास ||६|| पुंजी  पुण्यकी बढाओ  करो     वृक्ष    संवर्धन | पाणी प्यासोला पिवावो देवो   प्राणीला   जीवन ||७|| ___________    ✍ इंजि. गोवर्धन बिसेन, गोंदिया           मो. ९४२२८३२९४१

 पंवार प्रतिभा : कुमारी लुमांशा राहंगडाले  🏵️💐🏵️💐🏵️💐🏵️💐🏵️💐🏵️💐🏵️💐🏵️ पिता श्री लुभदेश्वर राहंगडाले और माँ श्रीमती लता राहंगडाले के सपनों को को पूरा करते हुए सूपुत्री कु. लुमांशा राहंगडाले, शासकीय आर्युवेदिक चिकित्सा महाविद्यालय, ग्वालियर में चयनित होकर अपने परिवार के साथ संपूर्ण क्षत्रिय पोवार समाज का नाम रौशन किया है।  बालाघाट जिले के कटंगी में रहने वाली यह बिटिया बचपन से ही मेधावी छात्रा रही है। सम्पूर्ण पंवार समाज की ओर से माता-पिता और बिटिया को बहुत बधाइयाँ और ईश्वर से प्रार्थना करते है कि बिटिया आर्युवेदिक चिकित्सा जगत में खूब तरक्की कर परिवार, समाज और देश की सेवा कर अपने दायित्यों का निर्वहन करें। शुभकामनाओं के साथ क्षत्रिय पंवार(पोवार) समाजोत्थान संस्थान, बालाघाट 💐🎉💐🎉💐🎉💐🎉💐🎉💐🎉💐🎉💐🎉

 पोवार(छत्तीस कुलीन पंवार) समाज को मध्य भारत मा वर्तमान मा मौजूद कुर अम्बुले/अमुले, कटरे (देशमुख भी लिख सेती गोरेगांव-गोंदिया क्षेत्र मा), कोल्हे, गौतम, चौहान, चौधरी, जैतवार, ठाकुर/ठाकरे, टेम्भरे/टेमरे, तुरकर/तुरुक, पटले (देशमुख भी लिख सेती कटंगी-वारासिवनी क्षेत्रमा), परिहार, पारधी, पुण्ड (पुंडे भी लिख सेती), बघेले/बघेल, बिसेन, बोपचे, भगत/भक्तवर्ती, भैरम, भोयर, ऐड़े/येडे, राणा/राणे, राहांगडालें/रहांगडाले, रीनाईत / रिनाहित /रिनायत, शरणागत, सहारे, सोनवणे, हनवत/हनुवत, हरिनखेडे/हरिनखेरें, क्षीरसागर

 पोवारी लोकगीत : दरन मी दरुसू दरन मी दरूसू, दरूसू पाच दाना । मोरो माहेर को कारखाना || दरन दरूसू बाई, गाऊ मी माता पिता । मंग गाऊ मी रामू सीता ॥ दरन मी दरूसू, दरसू चार गँहू । राज करजो मोरो भाऊ ॥ दरन दरूसू, दरू मी कनकी पीठ । मोरो माहेर को मुंग्या जोट ।। पंढरपूर की विठ्ठल रूरखमाई  रूखमाई से आंगन माँ । पानी भरी से रांजन माँ ॥ दूर ल् ओरखु मी, मोरो भाई की चाल डाओ हाथ मा दिससे, झोरा लाल लाल ॥ श्रीमती सतनबाई चौधरी तोतलाडोह, जि. नागपुर. (पंवार संदेश, में प्रकाशित एक पोवारी  लोकगीत)

 पोवार(पंवार) गौरव  स्व. रायबहादुर तुण्डिलाल पोवार : सन १९०१ मा कला विषय लक स्नातक करी होतिन। पोवार समाज लक संभवतया वय प्रथम स्नातक आती।  श्री बी एम पटेल : श्री बी.एम.पटेल पोवार समाज लक पहिलो वकील होतिन जिनना १९२७ मा वकालत की परीक्षा पास करीन।

 पोवारी बिदाई गीत बेटी तोरी बिदाई की, भयगयी तैयारी। कब तक बनी रव्हजो, माय बाप मी पियारी ॥  लाहन पनमाँ, पालन पोषण करी सेव मोठी होत लक, कागज पढ़ाई सेव ।। आता परायो घर की, बनजो नारी ॥ कब ॥  आब तक आमरी, अच्छी सेवा करिसेस। घर को काम काज, सब सिख लेईसेस॥  आता सुसरो घर की, करजो तैयारी ॥ कब ॥  सासू सुसरो की, अच्छी सेवा करजो। घर को काममा उनको सल्ला ले जो ॥  घर वालो की बनजो, आज्ञा कारी ॥ कब ॥  सासू सुसरोला, माय बाप समझजो। देवर ननन्द को, अच्छो ख्याल ठेवजो ॥  घरकी निमावजो, पूरी जिम्मेवारी ॥ कब ॥  नाहनांग को आँगन मा, तरकारी भाजी लगावजो।  मोठो आँगन मा, फुलवारी सजावजो॥ घरला मंदिर बनायकन, बनी रव्हजो पुजारी ॥ कब ॥  बेटी तोरो बिह्या अच्छो, ढंगलक करी सेव रीति रिवाज लक, कन्या दान करीसेव ॥  माय बापला नोको, भुलजो प्यारी ॥ कब ॥  सुसरो घर जायकन, मनला मोठो करजो। घर को कामकाज मा, हाथ बटावजो॥ आमरो यादमा नोको, बनजो दुरवारी ॥ कब ॥ सब कुटुम्ब परिवार, आशा कर सेजन। सुहागन बनी रव्हजो, आशिष देसेजन॥  यादमा आँसू नोको, बहावजो प्यारी ॥ कब ॥  भजन पूजनमा, अच्छो ख्याल राखजो।  परिवार संगमा, मनला रमावजो ॥ तोरो संगमा से, मंगल काम

कवि कालिदास कृत 'ज्योतिर्विदाभरणम' येन ग्रंथमा कवि कालिदास उज्जैनका पंवार (प्रमार) वंशीय सम्राट विक्रमादित्य इनको सैन्य को निम्नलिखित वर्णन करसेत् । सैन्यवर्णनम्   यस्याष्टादशयोजनानि कटके पादातिकोटित्रयं वाहानामयुतायतं च नवतिस्त्रिघ्ना कृतिर्हस्तिनाम् ।  नौकालक्षचतुष्टयं विजयिनो यस्य प्रयाणे भवत्  सोऽयं विक्रमभूपतिविजयते नान्यो धरित्रीधरः ॥ १२ ॥  सम्राट विक्रमादित्य की सेना १८ योजन (यानी 230 कीलोमीटर) लक फैलीसे । वोकोमा तीन करोड़  पैदल सेना से , अयुतायुत १०००००००० घुड़सवार अना ९० को वर्ग को तीन गुना ( ९ ० ) २ x ३ = ८१०० X ३ = २४३०० हथ्थीसेना , अना चार लाख नौका ( जलसेना ) सम्मिलित से । येन सेना को प्रस्थान मात्र लक  विजय होय जासे । असो विक्रम नामक भूपति (सम्राट)  , जिनको समान अन्य कोणी राजा नाहाय , उनकी सदा जय हो ॥ १२ ॥ अगर या सैन्य संख्या सही मा होती , त् सम्राट विक्रमादित्य सरीखो सम्राट येन दुनिया अजलक नही भयोव ।  सम्राट विक्रमादित्य महान को दूसरों कोणी नही भयव ।  आमरो लाइक गर्व की बात से की आमरो वंश मा असा महान लोग भया ।  इतिहास संकलन  इंजी. महेन पटले

 माय, तोरो आशिर्वाद     (मुक्तायन काव्य) मायसाती पुरेत एवढ़ा शब्द नाहात कहान | मायसाती का लिखू? मायपर लिख सकु एवढ़ो  मोरो व्यक्तित्व नाहाय महान ||१|| जीवन येव खेत आय तं माय म्हणजे बिहीर | माय म्हणजे का नोहोय? जीवन येव डोंगा आय तं माय म्हणजे नदीको तीर ||२|| माय म्हणजे भजनमा गुणगुणासे असी संतवाणी | मायको बारामा अनखी का सांगू? माय म्हणजे रेगिस्तानमा पिवो असो ठंडोगार पाणी ||३|| माय तू तपनमाकी सावली माय तू बरसातमाकी छतरी माय तू मोरोसाती का नाहास? माय तू थंडीमाकी शाल | माय तोरो आशीर्वाद लका मोरो जीवन से खुशहाल ||४|| ✍ इंजी. गोवर्धन बिसेन "गोकुल"        गोंदिया (महाराष्ट्र) मो. ९४२२८३२९४१

 सामान्य जन की संघठनलक अपेक्षा जेतरा बी संघठन सेत उनमा सभी पदाधिकारी वय च होना जिनन पोवारी की मर्यादा को पालन करीन ।  उनला च संघठन को पदाधिकारी बननला होना,  जिनको परिवार मा सब च 36 कुल पोवार या पंवार रहेती ।  जो खुद मर्यादा को पालन नही कर सकत वय समाज को सही मार्गदर्शन ,नेतृत्व नही कर सकत। जीनन खुद 36 कुल को बाहर की रस्ता पकड़ी सेन वय समाजला 36 कुल को बंधन मा बांध के नही राख सकत।   पोवारी नेतृत्व आदर्श होना तबच पोवारी बनी रहे ।

माहेर की बाट दिनांक:८:५:२०२२ ********* देखसे माहेर की बाट ###       ###       ### सुख शांती जन्म भरकी,माय देसे टुरीला भेट। आयी याद मायबाप की,देखसे माहेर की बाट।।टेक।। टुरी पोटीको उपजन,माय बाप को होसे घर। बित गयो लहानपण,जवान भया घर पर। समय बिहया को करन ,खोजन लग्या वधुवर। बाप करसे कन्यादान,माय करसे गरो भेट।।१।। राखी बांधन को त्योहार,बहीण जासे भाऊ घर। बसन देसे पाटपर, चंदन टीका माथापर। हासी खुशी से मनपर,हात पर देसे उपहार। छोड़ जासे माय को घर,डोरा आसु बहेव पाट।।२।। कुलर पंखा को हवा,चल रहिसे दिन रात। गरमी लगसे जोर की,बस्या हाय बाप करत। लाखतकाड़ को समय,खेती कामधंदा की बात। चिवड़ा लाड़ु डब्बा भर,माय घरको खाजो भेट।।३।। बाई को स्वर्ग वासपर,माहेर की रव्हसे बाट। साड़ी कोसारो आयोपर, अर्थी जासे मस्यान घाट। शोक सभा जग जाहिर, दुःख की पसरीसे लाट। पचलकड़ी नमस्कार,कर जासेती मन घट्ट।।४।। ++++++++++++++++++++ हेमंत पटले धामनगांव आमगाव ९२७२११६५०१

तीज (करसा)  🌹भरेव जासे करसा 🌹 ****************************** घर को शाहनो,करसे तीज को सण भरेव जासे करसा, पाणी थंड़ो पीवन। बाप को याद मा,बेटा करसे पुजन चवरी बस्या पुर्वज,निवजला खान।।१।। करसा कर ईला,चंदन कुकु टिका भर ताजो पाणी,टाकसे आंबा को झोका। सब पुजा करसेती,श्रध्दा भावलका लगो पाय मस्तकपर लगावो टिका।।२।। आंबा को पन्हासे,शाग तुरपोड़ी खास सुवारी ,बड़ा,सेव ई संग गरम भात। खंमग पाउणचार,को आवसे बास बसो पंगतमा,खावो पोटभर भात।।३।। तीज करन की रीत से बड़ी पुरानी लगी तहान पीवो, करसा मा को पाणी। आवसे घामघुम,आंगको बह्यो पाणी तपन मा नोको फिरो,पीवो पेज पाणी।।४।। पोवार को इतिहास ला जानसे कोन सणवार को मंगसे विज्ञान को ज्ञान। ठेवो घर पर सुख, शांती को जीवन पोवारी मा ठेवो, हेमंत की पहचान।।५।। हेमंत पटले धामनगांव आमगाव ९२७२११६५०१

 पोवारी मा नैवेद्य का नाम  निवोतनि देनो - बिहया मा कांकन बाँधनो को बाद नैवेद्य देएव जासे वोला निवोतनी कसे। जनावनों - सामान्यतः कोनतो बी समय निंगरा परा देवी देवता ला नैवेद्य समर्पित करनो यानी जनावनो , जनानो । दिवारी परा डोकरी जनावसेत ।  कागुर देनो --  पोरा को दिन जो नैवेद्य देएव जासे वोला कागुर देनो कसेत । बिरानी देनो- श्राध्द , तीज, देव उतरावन को समया जो नैवेद्य देएव जासे वोला बिरानी कसेत ।