भरेव जासे करसा

तीज (करसा) 

🌹भरेव जासे करसा🌹

******************************

घर को शाहनो,करसे तीज को सण

भरेव जासे करसा, पाणी थंड़ो पीवन।

बाप को याद मा,बेटा करसे पुजन

चवरी बस्या पुर्वज,निवजला खान।।१।।

करसा कर ईला,चंदन कुकु टिका

भर ताजो पाणी,टाकसे आंबा को झोका।

सब पुजा करसेती,श्रध्दा भावलका

लगो पाय मस्तकपर लगावो टिका।।२।।

आंबा को पन्हासे,शाग तुरपोड़ी खास

सुवारी ,बड़ा,सेव ई संग गरम भात।

खंमग पाउणचार,को आवसे बास

बसो पंगतमा,खावो पोटभर भात।।३।।

तीज करन की रीत से बड़ी पुरानी

लगी तहान पीवो, करसा मा को पाणी।

आवसे घामघुम,आंगको बह्यो पाणी

तपन मा नोको फिरो,पीवो पेज पाणी।।४।।

पोवार को इतिहास ला जानसे कोन

सणवार को मंगसे विज्ञान को ज्ञान।

ठेवो घर पर सुख, शांती को जीवन

पोवारी मा ठेवो, हेमंत की पहचान।।५।।

हेमंत पटले धामनगांव आमगाव

९२७२११६५०१