नवो युगकी कहाणी
नवो युगकी कहाणी
(त्रिपदीराना काव्य प्रकार)
नवो युगकी कहाणी लिखबी
परिवर्तन नवो युगलायी होये
बदल युगसाठीच स्विकारबी.
युग बदलतो हमेशा रव्हसे
असो नवो बदलाव देखनला
खूदमा बदलच करसे.
नवो लक्ष्यकी गुंज पसरसे
आपलो जीवनको लक्ष्यलायी हरकोणी
मेहनत लक्ष्यवेधी करसे.
जीवन वास्तवमा व्यथित करबीन
नवो युगमा वास्तवला स्विकारकन
राह वास्तवकी धरबीन.
====================
उमेंद्र युवराज बिसेन (प्रेरीत)
गोंदिया (श्रीक्षेत्र देहू)
९६७३९६५३११
Comments
Post a Comment