आमरो सामाजिक कर्तव्य
आमरो सामाजिक कर्तव्य हर व्यक्ति मा आपलो जीवन मा काइ न काइ सामाजिक कार्य करन की इच्छा रव्हसे । या इच्छा जरूरी बी से काहे की यव आमरो जीवन को महत्वपूर्ण कर्तव्य बी आय । जीवन को अर्थ खाय पियके सोयके समय गवानो त् नोहोय। आया सेजन त् काइ त् अच्छो कार्य करनला होना । प्रश्न यव आवसे की आमी दुनियालाइक का कर सकसेजन । दुनिया सोडो कमसे कम आपलो समाजलाइक त् काइ कर सकसेजन का यव बिचार करनो जरूरी से । आमला का मिले समाज कार्य करेलक असो प्रश्न बी आवसे मन मा । तसो सोचो त् समाज कार्य लक व्यक्तित्वको निर्माण होसे । आत्मिक आनंद मिलसे । आत्म विश्वास बढसे । दूय लोग संग पहचान नाहाय असी अलिप्त जिंदगानी गुमनाम कवनो पड़े । गुमनाम जिंदगानी को बजाए अगर आमरो जवर थोड़ो बी समय से त् आपलो लोगइन संग बाटन ला होना । सम्मिलित् तौर परा सर्व समावेशक काइ सृजनात्मक कार्य होय सके त् करनला होना । या बात ध्यान मा राखनोलाइक से की सबको विकास मा कोनतो न कोनतो रूप मा आपलो विकास बी समाहित से । सब विकसित होयेती त् आमी सक्षम समाज का भाग बनबीन । समाज को एक आम व्यक्ति को द्वारा कोनतो प्रकारको समाज कार्य आवश्यक से , कोनतो समाज कार्य