आपलो कुल नाम जो से वु च लिखनो जरूरी से
आपलो कुल नाम जो से वु च लिखनो जरूरी से
आपलो कुल नाम जो से वु च लिखनो जरूरी से। अना जाती पोवार या पंवार लिखनला होना।
कएक लोग आपलो कुलनाव सोडके पवार परमार लिखता चोवसेत ।
पवार परमार ये सरनेम SC ST वर्ग मा सेत। पर उनकी जाति पोवार या पंवार नही रव्ह। जाती दूसरी रव्हसे।
मुन अगर जिनको इरादा आरक्षण प्राप्तिलाइक पवार परमार सरनेम लिखकर सरकारी सिस्टम ला धोका देनको से त् वय गलत सेत । जाती बदल नही होय सक। पुराणों रेकॉर्ड देखयव जासे ।
आमरो 36 कुल पोवार लोगईनला आपला कुल लुकावन की जरूरत नाहाय। आमरा कुल एनबेंड नहाती । आमरा कुल ज्यादातर प्रख्यात मुख्य कुल आत जिनको इतिहास मा उल्लेख मिलसे। जिनका कुल अजीब सेत जिनको उल्लेख नही मिल वय पवार सरनेम लिखके आपलो पुरखाईनकी असल पहचान छुपावन को काम करसेत। पर आमला जरूरत नाहाय ।
Comments
Post a Comment