अजी को पावन पुण्यतिथी निमित्त (दिनांक: ०३.०५.२०२३)
अजी को पावन पुण्यतिथी निमित्त
(दिनांक: ०३.०५.२०२३)
**************************
अजी तुमी सपनमा आवत जाव
**************************
रोज आवंसे तुमरी आठवन
जीवनको पुण्याईकी साठवन -१-
कबाड कष्टाकी बांध्यात मोरी
किल्ला वानी कनखर हतोरी -२-
मधुर शीतल तुमरो जीवन
मददगार दयावान अंतर्मन -३-
आयी जब अंधारी कारी रात
हमेशा बन्यात दिवोकी बात -४-
जबंभी पंघरके सोवूसू चादरमा
ढुंढढुंढकर देखूसू अख्खो बादरमा -५-
देखता देखता सोचूसू तुमरो बारामा
मंग दिसं सेव तुमी एक तारामा -६-
आबंभी तुमरो चमचम उजारो
बनं जासे जीवनको सहारो -७-
दिसं सेव हमेशा वानी हासरा
एतरोच तं पायजे आमला आसरा -८-
असोच तुमी चेहरा देखावत जाव
अजी तुमी सपनमा आवत जाव -९-
__________________________
डॉ. प्रल्हाद हरिणखेडे "प्रहरी"
उलवे, नवी मुंबई
मो. ९८६९९९३९०७
Comments
Post a Comment