नारी का आंसू (अभंग रचना)

 नारी का आंसू (अभंग रचना)

ओको आंसूको वू।।बांध जो फुटेव।।

कंठ जो दाटेव।।हिरदामा।।१।।

रव्ह जीवनमा।। दुःख को डोंगर।।

आंसूकी वा धार।। नसिबमा।।२।।

संसार को बोझ।।धरकन चल।।

नहीं काही बोल।। नारी जाति।।३।।

जीवन से ओको।।चुलो न् लेकरू।।

बदल मी करू।। आशापर।।४।।

नाय अबला वा।।ठेओ ऐको भान।।

देवों ओला मान।। आता तरी।।५।।

आधुनिक काल।। बदल घडावों।।

आजादी वा देवों।। जीवनमा।।६।।

नारी वा बनसें।। स्वरूप माय को।।

बहिन, बाइको।।सबलायी।।७।।

युग एकीसावो।।लेनला भरारी।।

मदत वा सारी।। करो सब।।८।।

====================

✒️उमेंद्र युवराज बिसेन (प्रेरीत)

 गोंदिया (श्रीक्षेत्र देहू पुणे)

९६७३९६५३११