भाषिक क्रांति को उदघोष की महिमा
भाषिक क्रांति को उदघोष की महिमा
-----------------💜💜-------------------
पोवारी भाषिक क्रांति मा बोलो पोवारी, लिखो पोवारी येन् उदघोष को अनमोल योगदान से.परंतु पोवारी साहित्य जगत न् येन् नारा ला महिमामंडित करन को बाबद उदासीनता देखाईस. अतः येन् उदघोष को महत्व समस्त समाज ला अवगत करावन को एक प्रयास करी सेव. प्रस्तुत से निम्नलिखित कविता-
बोलो पोवारी, लिखो पोवारी l
येन् उदघोष की महिमा से न्यारी l
येन् क्रांति की ज्वाला फैलाईस l
भाषिक क्रांति ला येन् संभव बनाईस ll
येन् भाषिक स्वाभिमान जगाईस l
येन् कर्तव्य को बोध कराईस l
येन् सोयेव समाज ला जगाईस l
भाषिक क्रांति ला येन् संभव बनाईस ll
येन् युवाओं ला नवो मंच देवाईस l
येन् लिखन ला मातृभाषा सुझाईस l
येन् पोवारी का साहित्यिक घड़ाईस l
भाषिक क्रांति ला येन् संभव बनाईस ll
येन् क्रांति को इतिहास रचाईस l
येन् आपली भाषा ला बचाईस l
येन् उत्थान की रस्ता देखाईस l
भाषिक क्रांति ला येन् संभव बनाईस ll
स्वार्थीपन न् येको योगदान भुलाईस l
अहंकार न् येको रुप बिघाड़ीस l
हर कोनी न् स्वयं ला विद्वान देखाईस l
भाषिक क्रांति की येन् ध्वजा लहराईस ll
#इतिहासकार प्राचार्य ओ.सी.पटले
#प्रणेता-पोवारी भाषाविश्व नवी क्रांति अभियान,भारतवर्ष.
मंग. 22/03/2022.
Comments
Post a Comment