पोवार पंवार समाजमा बदलाव जरूरी से
============================
पोवार पंवार समाजमा बदलाव जरूरी से
============================
लहरलक घबरायके कभी नौका पार नही होय,
कोशिश करके त देखलेव कभी हार नही होय!!
जेव माणूस खुदला समाज शिरोमणि समज् से,
वोको लक कभी समाज को ऊत्थान नही होय!!
करु वदंन पोवार समाजला कसु दिलकी बात !!
आव्सेत आँसू डोरामा जी दिल रोवसे दिनरात!!
नतमस्तक वदंन करुसु पोवार पंवार समाजला,
पोवारी मायबोली को संरक्षण करो गा दिनरात!!
पोवार पंवार समाज को स्वाभिमान अमरच रहे,
युवा पीढ़ी मा येवच एकनिष्ठ संकल्प जरुरी से !
जरा खंबिरता लक चलो क्रांतिकारी समाजभक्त ,
आब् पोवार पंवार समाजमा बदलाव जरूरी से !
समाज ऊत्थान करन साती कसो मान अपमान
एक कदम सामने बढाओ कोटी यज्ञ को समान!
होये हमेशा जनजाग्ग्रुती पोवार पंवार समाजमा,
आम्हीच करबी पोवारी पंवारी संस्कृति गुणगान!
तरामा की बारू तु समुद्र मा जायकर देख जरा,
वाहा जरा देख पाणी पोहणला मोठो बाहाव से !!
सिर्फ अना सिर्फ पोहुसच नोको मंथन भी करले,
वाहा देख जरा ज्ञानअमृतला भी मुक्तच भाव से !!
!! कवी !!
श्री हिरदीलाल ठाकरे
भ्रमणध्वनी 7020144588
पोवार समाज एकता मंच परिवार पुर्व नागपुर
=============================
Comments
Post a Comment