सामसुम

 सामसुम

************

पप्पा, मम्मा अना मी

बाकी भय गया गुम 

किचन, हॉल, बेडरूम 

बाकी सब सामसुम||धृ||

सूर्य काही दिस नही

चंदा काही चोव नही

घडिको टकटक तालपर

सब परासेत यहा धुम||१||

पप्पा जासेत ड्युटीपर 

मम्मा राबसे घरभर

फुरसत नाहाय कोनीला

एकलोच बजावूसु ढुमढुम||२||

मिठाई, खिलोना, कपडालत्ता

येको अलावा नाहाय भत्ता

नाहाय लोरी नही कहानी

खिडकीलक देखूसु टुकटुक||३||

हॉटेल, पिक्चर, वनडे टूर 

भया रातदिन मोबाइलमा चूर 

सरी मजामस्ती, बातचित 

आयेव कॉन्फरेंस ऑन झूम||४||

गेट टुगेदर, पार्टी, फंक्शन 

हासीखुशीको नही चोव जंक्शन

हायफाय फ्रेंड, कसा बनेत संगी?

आपलो तालमा नाचुसू छुमछुम||५||

***********

✍महेंद्रकुमार ईश्वरलाल पटले (ऋतुराज)

ता. १९/०२/२०२२