मायबोली दिवस को उपलक्ष मा
-----मायबोली दिवस को
उपलक्ष मा--------
मोरो पोवारी की गोडी
मोला लगसे चविष्ट
मोरो पोवारी को छंद
मोरो बढसे धारिष्ट .......||१||
नांगरको चलं फळं
पोवारीको गानापरं
कोकीळाबि गावसे
पहाटको जातापरं........||२||
वैनगंगा को खोरामा
पोवारीको दवारं
होय एकजूट करो
मायबोली को जागरं...... ||३||
मोरी मायबोली चलं
मोरो घरं-गावं-दारं
भया युवा जागरूतं
आयेव पोवारीला बहारं..... ||४||
मोरी पोवारी आयको
नोको हासो कोनी येला
करे उद्धारं तूमरो
भरे ज्ञान का वा ढोला....... ||५||
------------------------------------------
@@@ श्री. सतीश सु.पारधी
मु.
सेजगाव जि. गोंदिया
दि.
२१/०२/२०२२
Comments
Post a Comment